Eskoriatzako Kontzejupe Pilota txapelketako hogeitabatgarren edizioan, Iñaki Santamaria eta Oier Urrutia izan dira garaile. Aritz Zugasti eta Estebe-ren kontra (25-14) irabazi ostean. Guztira, hamasei bikote aritu dira txapelketan, eta, inoizko parte-hartze handienarekin, aurten berrikuntza moduan, Kontzejupeko arkuan kamera jarri eta pantailan, zuzenean partidua ikusteko aukera izan da.
"Zaila izaten da urtero partiduak bertatik-bertara jarraitzea, denok arkupetan batzen gara eta ez da ondo ikusten. Aurten kamera jarrita zuzenean ikusten aritu ziren partiduak, parte-hartzaileak eta bertara gerturatutakoak, eta oso ondo joan da. Datorren urtean streaming bidez zuzenean emititzea gustatuko litzaiguke, ikusiko dugu…", adierazi du Aitzol Zubizarretak, Kontzejupe Pilota Txapelketako parte-hartzaile eta antolakuntza taldeko kideak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.