Ohiko zita dute Olazar Jubilatuen Elkarteko kideek gaur, egubakoitza. Izan ere, Eskoriatzako San Pedro jaien aurretik, urtero egin ohi dute adinekoek merienda elkarrekin, eta aurten ere batuko dira mokadutxo bat jan, zerbait hartu eta, bide batez, dantzaldian gerria pixka bat mugitzeko.
Kultura etxeko eraikinean eta jubilatuen tabernan batu izan dira zenbait ediziotan urteroko mokadutxoa egiteko, baina eguraldi ona egin izan duenean Gernika plazan, hau da, jubilatuen tabernako terrazan, batu izan dira. Eta aurten, eguraldi aurreikuspen onak izanda, terrazan batuko dira, 18:00etan.