Hala, 2024. urte bukaeran irudi horiek guztiak digitalizatzen hasi zen Eskoriatzak Udala, eta lan horretan Xabier Badiola eibartarra aritu da. Helburua proiektuaren zati handi bat digitalizatzea eta online jartzea izan da, herritarren eskura jartzeko. Proiektua erabat bukatuta ez badago ere, zati handi bat argitaratuta egongo da, eta horren berri emateko jendaurrean aurkezpen-ekitaldia egingo dute, hilaren 26an, 19:30ean, Fernando Eskoriatza plazan.
Telesko herri telebista 1985. urtean jarri zen martxan, eta, 2013. urtean ateak itxi zituen arte, ehunka grabazio, erreportaje, elkarrizketa eta irudi jaso zituen. Iaztik hona bertan dagoen materiala digitalizatu dute, eta, herritarren eskura jarri nahi du Udalak.