Luis Ezeiza Herri Eskolako kideak "pozik" agertu dira egunak emandakoarekin, eta, egunaren errepasoa ere egin dut. "Txupinazo eta txarangarekin hasi genuen jaia eta plazan amaitu genuen kalejira. Bertan, ikasleen dantzaldiaren ostean, 55.urteurrenaren logoa aurkeztu genuen eta tailerretan logoaren kalkomaniak eta pegatinak banatu genituen. Horrez gain, golf tailerra, margoketa tailerra, eskumuturrekoen tailerra eta aurpegi margoketa egin genituen. Tailerren ostean, ginkana familiarra egin genuen. Guraso, aiton-amona, izeba-osaba, irakasle eta ikasle ugarik parte hartu genuen ginkanan. Mundiala izan zen!! Eskolan amaitu genuen eta indarrak hartzeko bazkaria egin genuen. 150 pertsona elkartu ginen eskolako aterpean!! Puzgarriak eta apar-festa egon zen umeentzat eta bingoa nagusientzat. Ondoren, buruhandiak irten ziren eskolako kantxara eta eguna amaitzeko, dantzaldia egin genuen eskolan bertan. Egun borobila Eskola komunitate osoa elkarrekin pasa genuena", adierazi dute Luis Ezeiza Herri Eskolako Zuzendaritza Taldeko kideek.