XIX. mendeko labea gertutik ezagutzeko bisita doakoa izan zen, eta Euskal Herrian gordetzen den zeramika labe bakarra –mota horretakoa– izanda, askotariko lekuetatik etorritako bisitariak izan zituzten. Labearen gaineko xehetasunak eman zituzten Buztinatekoek, eta, saioa borobiltzeko, tailerra egin zuten.
"Hamahiru pertsona izan genituen eta antolakuntza taldeko beste hiru lagun izan ginen saioa gidatzen. Algortatik, Oreretatik, Elgoibartik… etorri ziren eta oso esperientzia polita eta aberasgarria izan zen. Ea aurrerago besteren bat antolatu dezakegun…", adierazi dute Buztinate Elkarteko kideek.
