Hamaikakoa aurkeztuta, Euskaraldira begira motorrak berotzen

Euskaraldiaren hamaika enbaxadoreen aurkezpena egin da Eskoriatzako Zaldibar antzokian. Aurkezpenean hamaikakoa osatuko duten aurpegiak jakitearekin batera, euren buruak modu berezi batean aurkeztu dituzte; labur-labur bakoitza bere albokoaren inguruan mintzatu da. Ekitaldia borobiltzeko, Maria Osesek eta Idoia Asurmendik Munstroen bila: ohe azpian aurkitutakoak ikuskizuna eskaini dute.