Horretarako, teknikari bat izango da, herriz herri, energiari lotutako informazio guztia gardentasunez eskaintzen. Eskoriatzan astelehenetan egongo da, udaletxeko lehenengo solairuan, 09:00etatik 14:00etara.
Aurrez aurreko zerbitzuaz gain, aukera izango da telefonoz eta posta elektronikoz ere informazioa eta aholkularitza eskatzeko. Horretarako, Mankomunitateak telefono eta mezularitza zerbitzuak jarri ditu martxan, 747 48 51 47 telefono-zenbakian eta energiabulegoa@debagoiena.eus helbide elektronikoan. Horrez gain, energiabulegoa.debagoiena.eus webgunea ere martxan jarri du Mankomunitateak, zalantzak argitu eta informazioa une oro eskuragarri izateko.
