Apotzaga elizateko Auzo-Etxe elkartean 70 lagun inguru batu ziren, bapo afaldu, eta Maider Arregi eta Andoni Rekondo bertsolarien saioaz gozatzeko. Batez ere Aretxabaletako eta Eskoriatzako bertsozaleak batu ziren bertan, eta, giro ederra izan zuten bertan.
Apotzagako sanmigeldarrek urte askoan antolatu dituzte bertso-saioak San Migel merenderoan, eta bertsolari ugari izan dira bertan gonbidatu gisa, adibidez: Anjel Mari Peñagarikano, Iker Zubeldia, Sebastian Lizaso, Xabier Euzkitze… Oraingoan, baina, Auzo-Etxe elkartean antolatu dute bertso-afaria, San Migel merenderoa itxita dagoelako. Horrela, ohitura zaharrari eutsi nahi izan diote, eta Maider Arregik eta Andoni Rekondok eskainitako saioan ere bertsozaletasuna bizirik dagoela adierazi zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
