Eskoriatzan, kirola eta Gabonen giroa uztartuz, areto futboleko hiru eguneko campusa egin dute. 2009tik 2016ra bitartean jaiotako haurrei zuzenduta, saioak goizez eta arratsaldez antolatu dira. Areto futboleko Ion Iregik zuzendu ditu jarduerak, eta helburu nagusia haurrak ondo pasatzea, balioak lantzea eta areto futbolaren ezagutza zabaltzea izan da.
Campusaren lehen eta azken egunean goizez aritu dira parte-hartzaileak (09:00-13:00), umezaintza zerbitzua ere eskainiz ordubete lehenago. Bigarren egunean, berriz, arratsaldeko saio berezi bat egin dute (16:00-20:00).
