Ezkutuko Dantzariak, Coalicion Patatera, Sukusuku, JDC, Incognito, Gran Muralla, Gaza FC eta Matrakas FC izan dira Futbarrioren hirugarren edizioan parte hartzera animatu diren taldeak. Antolatzaileek harmailetako eta kantxako giro ederra azpimarratu dute, nahiz eta falta gustatuko litzaiekeen talde gehiagok parte hartzea: "Parte hartzaile kopurua aurreko urteko gabonetakoa baino murritzagoa izan da, baina, oro har, pozik gaude txapelketak emandakoarekin, final erdietan eta finalean harmailak bete egin dira eta. Hurrengoan txapelketa potenteagoa egitea gustatuko litzaiguke eta horretarako talde gehiago animatu daitezen saiatuko gara", azaldu du Ander Etxabek.
Lauko bi ligaxkatan banatu dira goizean, eta arratsaldean lau onenek jokatu dute finalerdia. Finalera Gran Muralla eta Gaza sailkatu dira eta banako berdinketa sinatu behar izan dute. Hala, penaltietan gailendu da Gaza. Hirugarren postua Sukusukurentzat izan da, Ezkutuko Dantzariak taldeari 2-1 irabazita.
Hona hemen banakako sarien zerrenda:
- Jokalari onena: Eros –Gaza FC–
- Atezain onena: Murillo –Gran Muralla–
- Goleatzaile nagusiak: Beñat eta Isma –Gaza FC–
