Aurrez musika talde ezberdinetan ibilitako lau lagunek abiatu zuen Letagin taldea, 2018an, eta, gaur egun, Unai Letek (baxu-jolea), Julen Agirrek (ahotsa eta gitarra), Mikel Aginagaldek (gitarra) eta Iban Idigorasek (bateria-jolea) osatzen dute laukotea.
Bigarren diskoa aurkeztu zutenetik urtebetera
2020an argitaratu zuten lehenengo diskoa, eta iaz, Zurrunbiloan izeneko sei kanturekin osatutako bigarren bilduma aurkeztu zuten. Abenduaren 2an aurkeztu zuen disko berria Letagin taldeak Oñatiko gaztelekuan, herrikidez inguratuta, eta lan horretako kantuekin eta beste hainbatekin izango dira abenduaren 25ean, Inkernuko oholtza gainean.
