2023ko azaroan argitaratutako Txapasen kaxa magikoa ipuin eta disko ilustratuetan dago oinarrituta saioa. Josu Txapartegi (Zarautz, 1946) –Txapas ezizenez ezaguna– euskal akordeoilari, idazle, abesbatzako zuzendari, organo-jole eta sortzaileak bere bizitzan hamaika abesti sortuak dauzka, eta, abesti horien artean, Ostirala iritsi da da Txapasek sortutako kanturik ezagunena, ostiralero ikastetxe askotako jolastokietan entzun daitekeena.
Horregatik, Katxiporreta kooperatibakoek aitortza egin nahi diote Txapasi eta, hark bezala, egunerokotasunean haien balioak eta bizipenak maitasunez eta ilusioz partekatzen dituzten hezitzaile guztiei. Ostirala iritsi da! saioan, Txapasen eta Imanol Urbietaren kantuek presentzia berezia izango dute, baita jolasek, naturak eta bestelako sorpresek ere.
