Bihar, azaroak 13 hasita, egokitzapen lan txiki batzuk egingo dituzte bibliotekan, eta, beraz egubakoitzera arte itxita egongo da goizetan. Arratsaldez, ohiko ordutegian irekiko da, 16:15etik 20:00ak bitartean.
Helduen esparrua, irakurtzeko eta ikasteko erabiltzen dena, kristalezko pareta batekin itxiko da eta horrela, erosoagoa eta aproposagoa izango da erabiltzaileentzako. Lehenengo fase honetan, kristala eutsiko duen pladurra jarriko dute.
"Obra honek sor ditzakeen eragozpenak barkatzeko eskatzen diegu erabiltzaileei, baina guztion onerako izango delakoan gaude", azaldu dute Eskoriatzako Udaletik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.