Atxorrotx Kultura Elkarteko kideak eguaztenean batu ziren, asteburuan egingo den Errekan Gora jaialdira begira erabakia hartzeko. Izan ere, astebururako dagoen eguraldi txarraren iragarpenagatik, azken orduko aldaketa batzuk egin dituzte egitarauan.
Eszenatoki bakarra
Aurtengo berritasunetako bat bi eszenatoki jartzea izan da: bata Inkernu kanpoan eta bestea Herriko Plazan; bigarren hori estalita egongo da musikarientzat. Beraz, bertara lekualdatuko dituzte zapatuko eta domekako emanaldi guztiak. "Hartu dugun erabaki nagusia izan da; izan ere, bertan jarrita dugun eszenatokia estalia da musikarientzat eta Inkernu kanpokoa ez. Horrez gain, egubakoitzean, The Clayton taldearen kontzertua, Fernando Eskoriatza plazan egingo dugu, eta Unidad Alavesaren emanaldia 22:30ean beharrean, 23:00etan hasiko da. Modu batera edo bestera, aurrera egingo dugu", adierazi du Iñaki Kortazarrek, Atxorrotx Kultura Elkarteko kideak.
Ordutegian aldaketak
Zapatuko saioei dagokienez, talka egiten dute, emanaldi guztiak Fernando Eskoriatza plazan izanda. Beraz, ordu aldaketa batzuk ere iragarri dituzte. "John Dealer And The Coconuts taldearen kontzertua 19:15ean egingo da, 21:00etan izan beharrean, eta Idoia Asurmendiren emanaldia, berriz, 23:00etara atzeratuko dugu". Horrekin batera, Gorosarri eta Lore Gazteak dantza taldeen emanaldiak egongo diren edo ez egunean bertan erabakiko dute.
Egitarau berritua
Egubakoitzean
The Clayton, 19:30ean, Fernando Eskoriatza plazan
Unidad Alavesa, 23:00ean, Fernando Eskoriatza plazan
Zapatuan
Ibil Bedi, 13:00etan, Fernando Eskoriatza plazan
Gorosarri eta Lore Gazteak dantza taldeen emanaldia, 18:30ean, Fernando Eskoriatza plazan
John Dealer And The Coconuts, 19:15ean, Fernando Eskoriatza plazan
Idoia Asurmendi, 23:00etan, Fernando Eskoriatza plazan
Domekan
Demode Quartet, 13:00etan, Fernando Eskoriatza plazan
Garratz, 19:30ean, Fernando Eskoriatza plazan.
