Aurtengo Gipuzkoako Bertsolari Txapelketa hastear da, eta Euskal Herriko Bertsozale Elkartekoek deituta, datorren eguenean, irailaren 5ean, aurkezpen jaia egingo dute. Eskoriatzan, Apotzaga elizateko Auzo-Etxe elkartean izango da; elkarte horretan bertan biltzen baitziren haurren lehen-bertso eskolako kideak, Almeneko kideak hain zuzen ere.
Ekitaldian izango dira: Gipuzkoako Bertsozale Elkarteko ordezkariak, Debagoienako bertso-eskoletako haurrak, txapelketan parte hartuko duten bertsolariak eta parte-hartzaileak eta Almen bertso-eskolan jardundako kide zaharrak eta gazteak.
Partaideei argazkiak atera ondoren, 18:30ean izango da ekitaldia, eta, 19:00etan, mokadua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.