Iaz, zortzi taldek hartu zuten parte Luis Ezeiza areto futbol txapelketan, eta aurten ere parte hartzeko dei egin dute antolatzaileek –izen-ematea taldeko 120 eurokoa izango da–, txapelketa ederra antolatu eta aurrera eramateko. Areto futbol partiduez gain, txosna jarriko dute, musika izango da, pintxoak jarriko dituzte salgai, zozketak egingo dituzte… Hain zuzen ere, interesdunek @eskofutsaltxapelketa Instagram kontura idatzi dezakete.
"Duela hilabete atera genuen ikus-entzunezko bat sare sozialen bitartez txapelketa iragartzeko. Kartela, berriz, joan den astean argitaratu genuen, baina izen-ematea geldi samar dago. Gertuko zenbait lagunek animatuko direla esan digute, baina halakotan azken unean izaten dira izen-emateak. Ea jendea animatzen den…", adierazi du antolakuntza taldeko Jokin Salido eskoriatzarrak.
Sari banaketa
Txapelketa 10:00etan hasiko da, eta 16 talde arituko dira gehienez. Sariak, berriz, honela banatuko dituzte: %65a lehen taldearentzat, %25 bigarren talde irabazlearentzat, eta, %10 hirugarrenarentzat. Informazio gehiagorako 693 442 553 edo 672 775 553 telefono zenbakietara deitu edo idatzi dezakete interesdunek.
