Bigarren edizioan moduan, sorkuntza bultzatzeko asmoa du egitasmoak, eta, egiten dakitena gauzatzeko zuzenekoak egingo dituzte parte-hartzaileek. Gerrigardo, Eskoriatza garagardo artisaua edateko aukera izango dute bertaratzen direnek.
Aurten, bi taldek hartuko dute parte Zedemontre topaketan.
Eskoriatzan jaiotako edo erroldatutako pertsona guztientzat zuzendutako egitasmoa da. Taldeen kasuan, taldea osatzen duten pertsonetako bat, gutxienez, Eskoriatzan jaiotakoa izan beharko da edo bertan erroldatuta egon. Parte-hartzen duten pertsonek edo taldeek 30 minutu inguruko saioa eskaini beharko dute zuzenean.
Euskaraz eginda, sari hobea
Sari bakarra egongo da, 300 eurokoa (emanaldiaren erdia baino gehiago euskaraz izanez gero, 100 euro gehiago. Gainontzeko parte hartzaileak: banakakoak eta bikoteak 100 euro jasoko ditu, taldeak, berriz, 200 euro. (emanaldiaren erdia baino gehiago euskaraz izanez gero, 50 euro gehiago.)
