Skate jaia egingo da egubakoitzean, Aingeruguardako skate parkean

Eskoriatzako Udala antolatuta, Skate jaia ospatuko da, egubakoitzean, Aingeruguardako skate parkean. 18:00etan hasiko da skate-zaleentzako ekitaldia, eta, lehenbizi skatearen teknikak ezagutzeko ikastaroa izango da 10 urtetik gorako haurrentzat. Ondoren, erakustaldia egingo dute skaterrek, eta, amaitzeko, skate librea izango da. Ekintzan parte hartzeko ez da izenik eman beharko.