Umorea du oinarrian Ausartak antzerki taldearen Bendita locura antzezlanak eta erotuta dauden emakume batzuen inguruko pasadizoak kontatzen dituzte: "Binaka edo taldean egiten ditugun esketxez burutu dugu antzezlana. Erotuta dauden emakume kuadrilla baten pasadizoak dira, asko, zentzurik ez duten gertaerak eta istorioak", azaldu du taldeko kide den Mari Karmen Fernandezek.
Zapatuan, atzo, antzeztu zuten lehenengo aldiz ikusleen aurrean eta bete egin zen Zaldibar antzokia. "Gaur batek baino gehiagok esan digute gustatu zitzaiela eta pozik gaude. Gaurko emanaldirako sarrerak ere agortu dira".
