Ibarraundi museoan hilaren 14tik 16ra bitartean egongo da ikusgai, eta ordutegia hau izango da: 11:00etatik 13:00etara eta 17:00etatik 19:00etara. Hilaren 17an, berriz, larrialdia eta trantsizio energetikoa hizpide dituen erakusketa izango da ikusgai, Santa Marinako azokan. Horrekin batera, energia fakturen inguruko hitzordua izango da Goienerren eskutik, museoan, hilaren 15ean –17:00etatik 19:00etara– eta hilaren 17an –11:00etatik 13:00etara–. Fakturak eramatea ezinbestekoa izango da.
Iraunkortasunari hamaika begirada izeneko jardunaldia antolatu du Debagoiena 2030 ekimenak, eta, horren baitan, Klima larrialdia eta energia Debagoienean izango da aurtengo gaia. Jardunaldi nagusia maiatzaren 24an izango da, Arrasateko Kulturateko klaustroan. Egitarauaren barruan, Debagoieneko egoera eta aukera energetikoak izenburupean herriz herri ibiliko den erakusketa bat ere antolatu dute; haren ibilbidea Eskoriatzan hasiko da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak