"Aurten ere herritar asko hurbildu dira loreak jaso edo erostera" dio Axtroki Merkataritza Elkarteko kideak, Jabi Altunak. Izan ere, bezeroek herriko denda eta tabernetan egindako erosketekin txartel batzuk eskuratu dituzte, gaur loreengatik aldatzeko: "dendariok bezeroei opari bat egiteko antolatu dugu azoka".
Txartelik ez dituzten herritarrek ere izan dute aukera loreak erosteko, hala guztira 400 lore baino gehiago saldu edo aldatu dira txartelengatik. Jabi Altunaren hitzetan, "lore pila bat saldu dira, eta jende pila bat ere ibili da. Datorren urtean ere ziurrenik antolatuko dugu azoka beraz".
