Udalatx, ura eta atxa. Udalatxi dagokion balioa emateko Besaide Mendizale Elkarteak ekoiztutako dokumentala da, Eñaut Iturbek eta Iban Ayesak zuzendutakoa. 37 minutuko ikus-entzunezkoa da, Arrasaten hain kuttuna den Udalatx mendiari balioa ematen dio.
Horrekin batera, 23 minutu dituen Zuloan zu? dokumentala proiektatuko dute. Oñatin egindako espeleologia filma da; izan ere, Arantzazuko leize batean izandako azken esplorazioak eta ustekabeak batzen ditu Aloña Mendi Espeleologia Taldeak.