Usurbilgo Urtinea lorategikoek loreekin beteko dute Fernando Eskoriatzako plaza, zapatuan, 10:00etatik 14:00etara bitartean. Axtroki Merkatari Elkarteko dendetan egindako erosketa bakoitzarengatik txartel bat jasoko dute bezeroek, eta, zapatuko hitzorduan loreengatik trukatzeko aukera izango dute.
"Herriko taberna, denda eta komertzioetan erosketa bat egitean txartel bat jasoko du bezeroak. Gero, zapatuan, lore batzuk txartel batengatik aldatzeko aukera izango da; beste batzuk jasotzeko, bi edo hiru txartel beharko dira… Hala ere, loreak txartel gabe erosteko aukera ere izango da, hau da, aukera zabala egongo da", adierazi du Jabi Altunak, Axtroki Merkatari Elkarteko kideak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.