Aitona-amonen eta euren iloben arteko transmisioa sustatzeko ekimena da urtero Eskoriatzan egiten duten 'Ezagutuz ulertu eta ulertuz maitatu'. Atzo Zaldibar antzokian aurtengo hiru saridunak, euren aitona-amonak aurrean zituztela, eurei buruz idatzitako biografiak irakurri zituzten.
Guztira 58 lan aurkeztu dituzte aurten , eta, atzo, Nikole Intxausti, Amama Pilar lanarekin; Josu Lekuona, Amama Arantxa-rekin; eta Sara Bouchakourt, Nire aitona Mohamed lanarekin izan ziren oholtza gainera igo zirenak, eta, kutsu hunkigarria izan zuen emanaldia izan zen. Biografiak irakurri ostean, aitona-amona bakoitzari lore bat ere oparitu zioten.
Emanaldiaren hasieran berriz, Beheko Errota musika eskolako ikasleek Lagun bat badut izeneko musika emanaldia egin zuten, hiru abesti kantatuz.
