Azkenaldian emanaldi ugari egiten ari dira bi arrasatearrak, Garazi & Sala izenpean, eta, Eskoriatzako emanaldia berotzeko, bihar, egubakoitza, Arrasaten, Altamirako plazatxoan kontzertua emango dute, 22:30ean.
Eskoriatzan zapatuan izango da kontzertua, 18:00etan, Urrestilla tabernan, eta bertsioz betetako saioa egingo dutela aurreratu du Asier Salak: "Bertsioak eskainiko ditugu. Kantu klasikoak izango dira; ingelesezko punk-rock doinuetatik abiatuta, euskal abesti klasikoetarainoko errepasoa egingo dugu. Bide horretan, folk doinuak dituzten kantuak ere tartekatuko ditugu".
