Puzgarriak jarriko dituzte igerilekuan bi egunetan

Imanol Beloki Unamuno 2024ko mar. 29a, 16:40
Manuel Muñoz kiroldegiko igerilekuan puzgarriak jarrri zituztenekoa.

Apirilaren 2an eta 3an, Manuel Muñoz kiroldegiko igerilekuan, uretan jarriko dituzten puzgarrietan jolasteko aukera izango dute gaztetxoek.

Pazko Asteko opor egunetarako ekintza egitaraua prestatu du Eskoriatzako Udalak, eta, horren baitan, Manuel Muñoz kiroldegiko eskaintza bikaina izango da herriko txikitxoentzat. Izan ere, beste urte batzuetan moduan, puzgarriak jarriko dituzte igerilekuan, eta adinaren arabera banatuta sartzeko aukera izango dute bertako jolasetara.

Txikienak lehenbizi

Hain zuzen ere, ordutegiari erreparatuz, 17:00etatik 18:30era 8 urtera arteko haurrentzat irekiko dituzte ateak, eta heldu batek lagunduta joan beharko dute uretako puzgarrietara –nagusiek ez dute ordainduko–. 18:30etik 20:00etara bitartean, 9 urtetik 12 urtera artekoek, biak barne, izango dute aukera jolasetan aritzeko. Kasu horretan, ez dute nagusi baten laguntza ezinbestean izan behar.

Prezio sinbolikoa

Prezioari dagokionez, kiroldegian abonatuak direnek doan izango dute sarrera, eta abonatuak ez direnek, berriz, hiru euro ordaindu beharko dituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak