Atzo Eskoriatzako kiroldegian batu ziren haur eta gurasoek –bete egin zen ostera ere– une batez Amazonian zeudela pentsatu zuten. Bertara egiten dute-eta bidaia pailazoek. Hala, Marimotots zuhaitz baten adarburura igotzen da, han goitik lurra hobeto ikusteko. Pirritxek eta Porrotxek atzetik jarraitzen diote. Eta zuhaitzez zuhaitz eta adarrez adar, espero gabeko lekuetara helduko dira. Hori da Pirritx, Porrotx eta Marimototsek atzo erakutsi zuten lana, eta taula gainean beste lagun batzuen babesa ere izan zuten, tartean egon zen, esaterako, Porrotxin. Ez gara jaitsiko! lanean ekologiaz, Amazoniaren beharraz eta ingurugiroaz egin zuten berba.
