Ikastetxearen bereizgarriak nola komunikatu erakustea da jardunaldiaren helburua. Hasteko, Ivan Diaz Gonzalez marka-aditua eta kontsultoreak ikastetxeen marka hobetzeko estrategiak azalduko ditu. Gravita enpresako zuzendaria da Diaz, eta, bere ibilbidean zehar, eginkizun garrantzitsuak bete ditu sektoreko enpresa ospetsuetan, hala nola Columna, Interbrand, Morillas eta Brand Union enpresetan. Gaur egun, markak eta brandinga ezagutaraztea xede duen Branzai plataforma espainiarreko buru da.
Arrakasta kasuei dagokienez, Tecnaliako marketin- eta komunikazio-zuzendari Erika Ibañez hitzezko identitateari buruz mintzatuko da. Eta, Donostiako Santo Tomas Lizeoa ikastolako komunikazio-arduraduna, Iker Bereziartua, ikusizko identitateaz arituko da.
Izen ematea
Arrasateko AZK komunikazio-agentziak eta Mondragon Unibertsitatearen Aretxabaletako Komunikazio Campusak antolatu duten Hau da marka! jardunaldian izena emateko honako inprimakia bete behar da.
