Salda beroa hartu dute lehendabizi jubilatuek, eta, ostean, udal pilotalekuan egin dute bazkaria. 130 lagun zeuden izena emanda, eta bazkaltzeko iberikoak, piper beteak, itsaski krema, bakailaoa eta txahal masailak izan dituzte; postrerako, berriz, Idiazabal gazta ez ezik, txokolatezko browniea eta goxua.
Behin tripa beteta, dantzaldirako unea izan da, baina aurrez herriko bi jubilatu omendu dituzte, tradizioari eutsiz. Aurten, Brigida Carrascok jaso du lora sorta eta Joxe Mari Romaratezabalarentzat izan da txapela. Horrez gain, herriko komertzioetako produktuen zozketa ere egin da bazkarira gerturatutakoen artean.
