Festa giroan murgildu dira Eskoriatzako San Pedro eta Intxaurtxueta auzoak. Atzo, egubakoitza, txupinazoarekin eta buruhandiekin hasi zuten festa, zapi laranjak lepoan jarrita, eta ostean, Eskoriatzako Bandatik sortutako Ad Libitum txarangaren txanda izan zen. Metalezko musika-tresnen doinuekin eta perkusioaren laguntzarekin giro ederrean murgildu ziren eskoriatzarrak. Txikienek puzgarri eta barraketan aritzeko tartea izan zuten, gainera.
Gauean, Andoni Moto DJaren txanda izan zen. 80-90ko hamarkadetako musika jarri zuen Motok, eta opariak ere banatu zituzten auzotarren artean.
Bideoan, Ad Libitum txaranga, San Pedro auzoan zehar.