Zapatu honetan egingo den EskoXtrem martxarako izen-ematea ostegun gauean itxiko da. Hala ere, egunean bertan inskribatzeko aukera emango dute, proba hasi aurretik. Ohi bezala, ibilbide luzea eta motzaren artean aukeratu ahalko dute partaideek. Luzeak 35 kilometroko luzera eta 1.700 metroko desnibela izango du, motzak, berriz, 29 kilometro eta 1.300 metrokoa.
EskoXtremeko antolatzaileek jakinarazi dute aurten ez dutela seinalerik jarri, eta, ondorioz, GPS bidezko nabigazioa eramatea derrigorrezkoa izango dela.
Bestalde, iaz moduan Landa ingurura joan beharrean, Durakogain eta Asentziomendi aldera joko dute aurten, "mendialde honi omenaldi bat eginez, parke eolikoak tontorrak birrindu aurretik".
Proba bukatzerakoan anoa postua egongo da. Bestalde, partaideentzat bermatuta egongo dira aparkalekuak eta dutxak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
