Atxorrotx Kultur Elkarteak aurreratu du aurtengo Errekan Gora jaialdi musikala irailaren 15etik 17rako asteburuan izango dela eta emanaldi guztiak Herriko Plazan egingo dituztela. Denera, kalitate handiko sei musika talde igoko dira eszenatokira, eta "azken uneko sorpresak" ere egongo direla adierazi dute antolatzaileek.
Protagonistak zeintzuk izango diren, ordea, oraindik ez dute esan; izan ere, iraileko lehen asteburuan egingo duten aperitifan iragarriko dute kartel osoa. Hortaz, iazko formula errepikatzearen alde egin dute aurten ere, emozioa oporrak bukatu arte mantenduta.
Baina pista batzuk eman dituzte jaialdia promozionatzeko argitaratu duten bideoan, artikulu honen goialdean ikusgai dagoena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.