Euskaldun txapelketan erregularrena izan da Julen Arriolabengoa debagoiendarra, eta mailot urdina ziurtatu egin du Tolosan jokatu den Jose Mari Anzaren omenezkoan –Laboral Kutxako Murua izan da garaile Tolosan–.
Bere lehiakide nagusia izan den Iker Mintegi (Laboral Kutxa) gertutik kontrolatu ahal izan du Eskoriatzako txirrindulariak, eta azkenean, sailkapenean zuen 8 puntuko aldea mantentzea lortu du, taldeak lan bikaina egin baitu lasterketa eta elastiko urdina mantentzeko.