Atama Eskoriatza taldeko kideek Tatamiaren gainean egindako lana nabarmendu du Rafa Carriet entrenatzaileak. Domina ugari jaso arren, garrantzitsuena txapelketaren aurretik egindako lana izan dela azpimarratuz. "Danel Saenz eta Airam Duarte borrokalariek debuta egin zuten Munduko txapelketan, maila handiko lehiakideekin maila ederra emanaz. Airamek brontzezko domina lortu zuen 60 kg-tik beherako semi-kenpoan, borroka oso onak eginez fullkenpo eta summision probetan. Danelek, ere oso txapelketa ona egin zuen, baina podiuma zapaltzea falta zitzaion, baina argi utzi zuen hurrengo hitzorduetarako hautagai handia dela".
Leire Ratok urrezko hiru domina
Saenz eta Duarte borrokalariez gain, Otavio Luz de Paula submission disziplinan txapeldun geratu zen, master eta senior kategorietan 95 kg-tik gora. Azkenik, Leire Ratok, emaitza ederrak lortu zituen 60 kg-tik beherakoetan, submissioneko txapelduna izan zen, semi-kenpo txapelduna eta Fullkenpoko txapelduna. Rafa Carriet Eskoriatzako Atama Kenpo taldeko entrenatzailea, gainera, Munduko txapelketan izan zen, epaile lanetan.
