Lehen zatian nagusi izan dira eskoriatzarrak eta atsedenaldira markagailuan 1-0 joan dira. Gol aukera gehiago ere izan dituzte, baina ez dute asmatu. Bigarren zatian eskoriatzarrek penalti bat eskatu dute eta arbitroak ez du adierazi. Une hori baliatu du aurkariak kontraerasorako eta orduan lortu dute lehenengo gola. Une horretan berotu da partidua, eskoriatzarrek euren haserrea erakutsi baitute. Partidua bukatzeko 7 minuturen faltan etorri da aurrekoaren egoera berdintsu bat, izan ere, etxekoek falta bat eskatu dute eta hori ere ez du adierazi arbitroak. Berriz, Bilboko taldearen kontraerasoa etorri da une horretan eta bigarren gola egitea lortu dute.
