Ordenantza idatzi aurretik, ordenantza-proiektua jendaurrean jarri zuten udal webgunean, interesdunek arrazoiak ezagutu eta egoki iritzitako ekarpenak egin zitzaten. Tramite hori pasata, ordenantza-zirriborroa egin dute, baina, onartu aurretik, berriro ere jendaurrean jarri nahi dute, interesdunek ekarpenak egin ahal izateko. Hala, proposatzen den ordenantza-zirriborroa eskoriatza.eus webgunean azter daiteke eta interesdunek martxoaren 31ra arte izango dute ekarpenak egiteko. Horrekin batera, informazio gehiago nahi duenak aukera du horretarako garapen@eskoriatza.eus helbidera idatzita, edo 943 71 54 53 telefono-zenbakira deituta.