Mapfre aseguru-etxeak Eskoriatzan duen bulegoko arduraduna da, eta Eskoriatzako Udalean izan du ibilbide politikoa; izan ere, 1995etik 1999ra HBrekin Gazteria zinegotzi izan ostean, Euskal Herritarrok alderdiarekin izan zen Eskoriatzako alkate 1999tik 2003ra bitarteko agintaldian. Ezker abertzaleak Eskoriatzan alkatetza hartu zuen lehenengo aldia izan zen hura.
Hautagai guztiak, laster
2015-2019ko agintaldian zerrendan azkenengo hautagaien artean aurkeztu zen EH Bildutik. Joan den agintaldian, berriz, ez zen aurkeztu, eta oraingoan, Eskoriatzako EH Bilduren lantalde berriaren aurrean izango da gidari lanetan. Zubizarretarekin batera zerrendan aurkeztuko dituzten hautagaiak zehaztuta dituzte, eta laster iragarriko dute zerrenda osoa.
