Justo Segura misiolari eskoriatzarra Japonian hil zen, atzo, 89 urterekin. Jaiotzaz Zarimutz elizatekoa izan arren, 55 urte inguru egin zituen Japonian, eta, besteak beste, Marugame (Japonia)-Donostia senidetzearen bultzatzailea izan zen, 1995ean Donostiako Udalaren Urrezko Danborra jaso zuen.
Segura Japonian zegoen 1995ean Richter eskalan zazpi graduko lurrikara batek Japoniako hegoaldea astindu zuenean, eta, baita, 2011ko lurrikara eta tsunamia gertatu zenean, nahiz-eta, kaltetutako probintzietatik beste muturrean egon.
Japon eta Donostiako senidetzea bultzatu zuen
Donostiako alkate Eneko Goia Marugame (Japonia) hiriko ordezkaritzarekin batu zen, 2016an. Marugameko alkate Masaharu Kaji eta gainerako japoniako hiriko ordezkariek egun batzuk igaro zituzten Donostian, kultura eta ohiturak ezagutzen eta ordezkaritzarekin batera Justo Segura, 1995eko Urrezko danborra eta Marugamerekin anaitzea bultzatu zuen apaiza ere, Donostian izan zen.
