Bi menu egongo dira: batetik, helduentzat prestatutako menuaren barruan, patatak errioxar erara, saiheski errea eta txutxitoak txokolatearekin. Edateko, berriz, ardo beltz ondua, ardo zuria, sagardoa, freskagarriak eta ura, kafea eta txupitoa eskainiko dira, 22 eurotan. Bestetik, 18 urtetik beherakoei zuzendutako menua ere egongo da: makarroiak tomatearekin eta gaztarekin, txahal-hanburgesak saltsan patatekin eta Smarties-izozkia, 15 eurotan.
Txartela erosteaz batera, lekua ere erreserbatu beharko da. Horretarako, kultura@eskoriatza. eus helbide elektronikora idatzi daiteke edo 943 71 44 07 telefono-zenbakira deitu.
