Ping pang umorezko zirku ikuskizuna izango da ikusgai, 17:00etan, domeka honetan, urtarrilak 22, Zaldibar antzokian. Xabi Larrea antzezleak ping-pongeko pilotak manipulatzeko teknika landua erabiliko du aretora joaten diren ikus-entzuleen aurrean, malabarismoaren eta magiaren teknikak elkartuz.
Imanol Ituiñoren, Txefo Rodriguezen eta Xabi Larreren sorkuntza da Ping pang eta testu gabeko ikuskizuna da. Gizarteko arazoen inguruan hausnartzeko bidea ireki nahi dio publikoari saio honekin, magia, umorea eta pilotak lagun.
5 urtetik gorako edonori zuzenduta dago eta 50 minutu iraungo du saioak. Sarrerak aldez aurretik eros daitezke, hiru eurotan, Manuel Muñoz kiroldegian eta bibe.me webgunean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.