Denbora batez prestatzen izan dira ordubeteko zuzenekoa Akulu taldeko Xabi Iribekanpos, Aitor Bengoa Poli Karpo eta Pablo Sanz. Haien esanetan, oi! kanturen bat, punk melodikoa, punk bizkorra… askotariko estiloak uztartzen ditu Sua diskoak, baina horiek zein egunerako prestatutako beste zenbait abesti ere eramango dituzte Inkernuko oholtza gainera. Diskoa argitaratu baino lehen jo zuten azken kontzertua, Aretxabaletako Kixkor tabernan, eta lan berria argitara atera osteko lehenengo emanaldia izango dute hilaren 21ekoa.