Protagonistek antzeztuko ez duten arren, jaiotza jarriko dute dagozkion elementu eta pertsonaiekin: Herodes, Errege Magoak, artzainak, errementaria… izango dira bertan, eta antolatzaileen esanetan, Gasteizeko Florida parkean izaten denaren antzekoa izango da. "Pilotalekuko ateak ireki aurretik, Jose Arana nagusien egoitzako egoiliarrak izango dira jaiotza ikusten, eta, bide batez, oparitxoa emango diete Meltxorrek, Gasparrek eta Baltasarrek. Haurren gutunak jasotzeko aprobetxatuko dute hitzordua, eta txokolatea banatuko dugu", adierazi du Maitane Rasok, antolakuntza taldeko kideak.
Eskoriatzako Gabonetako agendari amaiera emateko, jaiotza biziduna izango da ikusgai gaur, eguena, 19:00etan, Joseba Iñurrategi pilotalekuan. 2020an, Ekialdeko Magoen bisita antzeztua egin zuten Manuel Muñoz kiroldegian, baina oraingoan ez dute modu horretan egingo, eta ez dute kalerik kaleko desfilerik antolatu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak