Eduki hau partekatzeko esteka arbelera kopiatu da.
XXVI. Xenpelar Sariaren final handia jokatu zen joan den eguenean, abenduaren 8an, Oreretako Niessen kulturgunean. Sei bertsolari izan ziren sailkatuak finalerako, eta, tartean izan zen Haizea Arana bertsolari eskoriatzarra. Laugarren postuan sailkatu zen Arana, eta, irabazlea, berriz, Irati Alcantarilla bertsolaria izan zen.
Bertsolari gazteen Xenpelar Saria, 1971an sortu zen, herriko euskaltzale eta bertsozale batzuen ekimenez. Zortzi urteko etenaldi baten ondoren, Ereintza Elkartearen ardurapean berreskuratu zen. Geroztik, hasieran urtero egiten bazen ere, bi urtez behin antolatzen da, urte bikoitietan zehazki. Azken urteetan Xenpelar Bertso Eskolarekin batera antolatzen dute.
Lehiaketaren egiturari dagokionez, lehendabizi kanporaketa izaten da, eta abenduaren 8an (Juan Frantzisko Petrirena Berrondo Xenpelar-en heriotza egunaren urteurrenean) izaten da beti finala Oreretan.
