Eskoriatza Kirol Elkartea eta Barymont Taldea akordio batera iritsi dira klubaren, herriaren eta Debagoiena eskualdearen mesedetan. "Finantza-hezkuntza interesdun guztiei hurbiltzeko konpromisoa dugu, eta akordio honi esker, Debagoiena eskualdeko biztanleek gure bizitzetan hain garrantzitsua den kontzeptu hori ezagutuko dute", azaldu du Iosu Urzelai Barymont Taldeko finantza-hezitzaile eskoriatzarrak.
"Finantza-hezkuntzaren helburua pertsonei beren bizi-helburuak lortzen eta ongizate ekonomikoa izaten laguntzea da. Zerbitzu honek hobekuntzak ekarriko ditu eskatzen duten familien bizi-kalitatean", gaineratu du Urzelaik.
Hitzarmena sinatu eta argazkia atera dute Eskoriatza Kirol Elkarteko zuzendaritzako kideek Barymont Taldekoekin batera. Hala ere, martitzenean, 19:00etan, aurkezpena egingo dute Zaldibar antzokian, herritarrei hitzarmenaren nondik-norakoak azaltzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
