200 bat lagun elkartu dira Eskoriatzan, eta borroka feministaren baitako aldarrikapen ugari egin dituzte.
Erakundeek indarkeria jarri nahi izan dute erdigunean, eta Gurasoen alienazio-sindromeaz jardun dute. Sindrome hori "existitzen ez dela" eta "sistema matxistaren beste erreminta bat dela" salatu dute.
Testuinguruan jartzeko GAS terminoa Richard Gardner haur psikiatrak sortu zuen 1985an. Psikiatraren iritziz, haurrak prozesu judizialetan "testigantza emateko psikologikoki manipulatuak" izaten diren kasuei egiten die erreferentzia. Mugimendu feministak aldarrikatu izan du "ikuspegi patriarkala" nagusitzen zaiola eta nazioartean haurrei aitortzen zaizkien oinarrizko giza eskubideen aurka doala.
