Legazpiarren rock-and-rolla izango da entzugai egubakoitzean, 22:30ean, Inkernu tabernan. John Dealer & The Coconuts taldea emanaldi bizia emateko asmoz igoko da Inkernuko oholtza gainera, eta, besteak beste, The Hellacopters Suediako garage-rock eta hard-rock taldearen kutsuko kantuak eskainiko dituzte. Atxorrotx Kultura Elkarteak antolatutako emanaldi honekin, udazkeneko programarekin hasiko dira.
"Barruko denboraldia hasiko dugu egubakoitzean; hau da, hemendik aurrerako kontzertuak Inkernu barruan egingo ditugu. Dagoeneko landu dugu programa, eta datak iristen joan ahala iragarriko ditugu saioak. Hala ere, aurrerapen gisa, azaroaren 19an, Eskoriatzako Euskaraldiaren jaian DJ Jotatxo izango dugu, eta ardo dastaketa, berriz, azaroaren 26an izango da".