Hain zuzen ere, urtean 138.820 kWh-ko sortze gaitasuna du instalazio berriak –2019. urtean, 2.191.389 kWh-koa izan zen lantegiaren urteko kontsumoa–. Fagor Taldearen asmoa da ekinbidea beste kooperatiba batzuetara zabaltzea, eta dagoeneko badabil aukera berriak aztertzen. Honela azaldu du Aritz Otxandiano Kanpo Fagor Taldeko Iraunkortasun arduradunak: "Iraunkortasunaren aldeko jardunean dihardu Fagor Taldeak. Horren baitan, hainbaten artean energia berriztagarrietan eta autosorkuntzan sakontzen gabiltza. Urratsak egiten segitu beharra dugu, ekinbide berriak abiarazten, datozkigun aukerak aztertzen, aukera berriak bilatzen… Gaur egungo teilatu fotovoltaikoek ez dituzte gure beharrak haien osotasunean aseko, baina, ibilbide honetan, urrats bakoitza da beharrezko".
Autosorkuntzaren abantailak
Autosorkuntzarako instalazioen aldeko ekinbideetan, adituek hainbat abantaila aipatzen dituzte: faktura elektrikoaren, karbono aztarnaren eta merkatu prezioekiko dependentziaren murrizteak; zero kilometroko energia berriztagarria eskuratzea; eta erantzukizun sozial korporatiboan sakontzen segitzea.