Eskoriatzako Udalak antolatuta, 65 urtetik gorako pertsonak omentzeko eguna izan da gaur herrian. Ohiturari jarraituz, meza egin dute 11:30ean, eta salda banatu dute ondoren jubilatuen etxean. Bazkaria ere egin dute Manuel Muñoz kiroldegian estreinakoz, orain artean frontoian egin izan baita, eta Olazar Erretiratuen Elkarteko kideek jakinarazi dute 150 lagun inguru batu direla.
Bapo bazkaldu ostean, Eskoriatzako komertzioek eta Olazar Erretiratuen Elkartekoek eskainitako opariak banatu dituzte, eta, ostean, bazkarira joandako emakume eta gizon nagusiena omendu dituzte. Hain justu, aurtengoan, Karmen Uribesalgo eta Domingo Guirao herritarrek jaso dute aitortza. Batak, lore sorta jaso du, eta, besteak, txapela.
