Hori horrela, egun guztian zehar saihesbidetik pasa beharreko trafikoa desbideratu egin beharko da eta auto trafikoa hirigunetik pasako da. Kamioien kasuan, berriz, AP1 autobidera desbideratuko dira guztiak.
Trafikoa hirigunetik bideratuko denez, herritarrei eskatzen zaie egun horretan kotxeak garajeetan sar ditzatela eta ahal duten heinean garraio publikoa erabili dezatela. Horrez gain, bereziki eskatzen da Arizmendi ikastolako Jose Arana gunearen parean eta Luis Ezeiza herri ikastetxearen parean, haurren irteera-sarrera ordutegietan ez autorik uztea, hori izango baita trafikoarentzako errepidea.
Autobus zerbitzua
Aranburuzabala kaleko autobus geltokian 9:00etatik 19:00ak arte bitarteko ordutegian ez da zerbitzurik emango, eta Gorosarri plaza eta Intxaurtxueta auzoko geltokiek, berriz, normaltasunez eskainiko dute zerbitzua egun horretan.