Madagaskarren izan da Leire Zurutuza eskoriatzarra abuztuko oporraldian, Oier Eskibelekin batera. Afrikako irlarik handienean, bertako kultura eta natura ezagutzeko asmoz, hilabeteko bidaiari ekin zioten naobaben eta lemurren lurraldera. Egonaldian, erdigunea, hegoaldea eta ekialdea ikusteko tartea hartu dute, eta baita Baraha irla txikia ere. Bertan bizitakoak kontatuko ditu irailaren 22an, Zaldibar antzokian, 19:00etan. "Power Point bat erabilita eta zenbait argazki erakutsiz egingo dut aurkezpena", adierazi du Zurutuzak.
Bigarren kontakizuna, eta azkena
Bigarren kontakizuna, berriz, Jon Errasti eskoriatzarrak egingo du, irailaren 29an, 19:00etan, Zaldibarren. Iaz egindako bidaia da, eta Espainiako iparraldea eta hegoaldea lotzen dituen ibilbide historikoa egin du bizikletan: Zilarraren bidea. Erromatarrek Meridatik Astorgara eta handik Gijonera eraikitako galtzadatik igarotzen da bidea. Harekin batera beste bi lagun ere izan ziren, eta, guztira, hamabi etapa egin zituzten: 865 kilometro